Пахаваны 98 воінаў і 40 партызан, члены іх сям’яў і савецкія патрыёты, якіх загубілі нямецка-фашысцкія захопнікі ў 1941 — 1944 г.г. Сярод пахаваных — воіны 290-й і 369-й стралковых дывізій 49-й арміі, 385-й стралковай дывізіі 50-й арміі 2-га Беларускага фронту, што загінулі ў 1944 г. у баях за вызваленне Чавусаў і раёна ад нямецка-фашысцкіх захопнікаў, а таксама чырвонаармеец, які загінуў у 1941 г. У 1975 г. на магіле пастаўлены помнік — двухфігурная скульптурная кампазіцыя і 2 пілоны.