Гасцей і турыстаў на пляцоўцы каля старадаўняга гарадзішча Радзімічаў чакае тэатралізаванае прадстаўленне са старажытным абрадам рытуальнага вогнішча, традыцыйнымі касцюмамі. Падчас свята разгорнецца стылізаваны кірмаш, дзе будуць прадавацца вырабы майстроў вобласці і рамеснікаў, розная сувенірная прадукцыя, пройдуць майстар-класы. Адным з галоўных эпізодаў кірмашу стане кулінарнае свята. У ім будуць актыўна задзейнічаны жыхары Радамля, якія прадставяць стравы мясцовай кухні.
У праграме свята:
11.00 — адкрыццё этнічнага свята
11.20 — тэатралізаванае дзеянне «Падарожжа ў мінулае»
12.00–14.00 — святочны канцэрт «Напевы радзіміцкай зямлі», працуюць атракцыёны «Арэлі», «Трапны стралок», «Катапульта», «Бой мяшкамі» і інш.
14.00–14.30 — узнагароджанне ўдзельнікаў свята
14.30–17.00 — этнавечарына (танцавальна-забаўляльная праграма з гульнёвымі момантамі)
17.00 — закрыццё свята
Запрашаем жыхароў горада і раёна, а таксама гасцей, да ўдзелу ў этнасвяце.