Ніл Гілевіч пісаў:
Раскладайце, паліце Купалля агні!
Не затым, каб ускрэсла мінуўшчына,
А каб лепей убачыць наступныя дні,
Да вытокаў душой дакрануўшыся.
Адчуць рамантызм і незвычайнасць купальскай ночы маглі ўсе жадаючыя: прыняўшы ўдзел у святочнай тэатралізаванай праграме «У купальскі вечарок», якая адбылася 6 ліпеня ва ўрочышчы Яловае. Конкурсы на лепшы вянок «Папараць-кветка», «Закінь вянок на шэст» і іншыя збіралі шмат жадаючых праверыць сваю ўдачу. Тым, хто быў найбольш трапным, знаходлівым і дакладным, удалося атрымаць прызы. Астатнія маглі пачаставацца смачнымі стравамі, паслухаць народныя спевы калектываў «Спадарыня» і «Раніца», а таксама паўдзельнічаць у карагодзе вакол купальскага вогнішча.