З-за недахопу матэрыяльных сродкаў мясцовыя жыхары звярнуліся да ўладыкі з просьбай аб дапамозе ў будоўлі новай царквы. Будаўніцтва доўжылася 4 гады на сродкі, адпушчаныя Свяцейшым Сінодам (каля 20000 рублёў).
У 1915 годзе ў Благавіцкім прыходзе быў здзейснены хрэсны ход с цудатворнай іконай Боскай Маці Бялыніцкай. Як жылі прыхажане Свята-Нікольскага храма ў першыя гады пасля кастрычніцкага перавароту, даводзіцца толькі здагадвацца, бо ў архівах звестак аб гэтым перыядзе не захавалася. Вядома, што богаслужэнні ў храме адбываліся да 1937 г., а потым яго закрылі і перадалі пад клуб і бібліятэку. У час Вялікай Айчыннай вайны 1941-1945 гадоў вернікі адкрылі храм і сталі здзяйсняць богаслужэнні. Але ў 1962 годзе Свята-Нікольскую царкву ўлады зноў закрылі. Крыжы былі скінуты, купал разабраны. Нейкую частку ікон тайна забралі вернікі. Доўгі час храм стаяў зачынены, а потым там размясцілі клуб.
У 2002 годзе будынак Свята-Нікольскай царквы ў в.Благавічы быў вернуты адроджанаму прыходу. Зараз ідзе аднаўленне пад кіраўніцтвам святара іерэя Міхаіла на ахвяраванні прыхажан і з дапамогай раённых улад і арганізацый.
Прыход Свята-Нікольскай царквы звяртаецца да працоўных калектываў з просьбай аказаць дапамогу для выканання гэтых работ. Рахунак для пералічэння сродкаў : р/с 3015248470010 в РКЦ № 20 г.Чаусы филиала ОАО «Белагро-промбанк» — МОУ БИК 458 УНП 700187278.